МАКЕДОНСКА ПРАВОСЛАВНА ЦРКВА – ОХРИДСКА АРХИЕПИСКОПИЈА
МАКЕДОНСКА ПРАВОСЛАВНА БОГОСЛОВИЈА „СВ. КЛИМЕНТ ОХРИДСКИ“ – СКОПЈЕ
К О Н К У Р С
за прием на ученици во МПБ „Св. Климент Охридски“ – Скопје, за учебната 2026/27 г.
Општи услови за кандидатите:
Кандидатите треба да ги исполнуваат следните услови:
- да имаат завршено основно образование.
- да имаат основно познавање на Православието.
- да се телесно и душевно здрави.
- да не се постари од 18 години.
- да не се женети.
Информации за приемниот испит:
Приемниот испит се состои од писмена работа и тест по македонски јазик и литература и испит по пеење.
Тестот по македонски јазик ќе го опфати материјалот од граматика и литература, а писмената работа ќе биде на тема од литературата или од лектирите од 5-то до 9-то одделение.
Испитот по пеење се состои од проверка на музичките способности на кандидатите преку пеење на музичката скала и песни.
Важна напомена: Кандидатите кои нема да освојат минимум 60 бодови, се смета дека не го положиле приемниот испит и нема да бидат рангирани.
Поднесување молби и термини:
Молбите за прием се поднесуваат преку парохискиот свештеник и надлежниот архиереј до Управата на богословијата.
Приемниот испит ќе се одржи на 15.06.2026 г. (понеделник), со почеток од 09:00ч.
По потреба, ќе се спроведе и втор приемен испит кон крајот на јуни.
Потребни документи за прилог:
Кандидатите треба да ги приложат следните документи:
- свидетелство за свето крштение;
- свидетелства од 5-то до 9-то одделение;
- благослов од надлежниот архиереј;
- уверение од парохискиот свештеник за подобност на кандидатот за свештенички чин;
- лекарска потврда;
- писмена согласност од родителите дека кандидатот може да учи во Богословијата и обврска од нив дека редовно ќе ги подмируваат интернатските трошоци доколку ученикот не е стипендист.
Дополнителни одредби:
- За полагање на приемниот испит кандидатите се должни да уплатат 1500 денари кај секретарот на Богословијата, најдоцна до денот перед полагањето на приемниот испит.
- Ќе бидат примени најмногу по тројца кандидати од секоја епархија.
- Упис на вонредни ученици не се одобрува.
- Школувањето во Богословијата трае четири години.
Од Управата на Богословијата