На 06.12.2019, во предвечерието на празникот на најсветиот меѓу Охридските светии, светиот Климент Охридскиот Чудотворец, традиционално со вечерна богослужба во храмот “Вознесение Христово” во Драчево, започна чествувањето на патронатот на нашата Богословија, а со тоа започнаа и овогодишните свечености во чест на свети Климент.
По вечерната богослужба, во нашиот параклис беше прекршен славскиот колач, по што следеше свечена академија приредена од нашите ученици, а и настап на богословскиот хор. На крај беше послужена и свечена трпеза за сите гости.
Им благодариме на митрополитите Тетовско – гостиварски г. Јосиф, и Кумановско – осоговски г. Јосиф, кои беа кумови на нашето овогодишно празнување.
На многу години!
