Проф. д-р Александар Атанасов е роден 30.03.1987 год. во Кочани, каде што и завршил основно образование. Во 2006 год. матурирал на Македонска православна богословија, а во 2011 год. дипломирал на Православниот богословски факултет. Истата година поставен е за професор во МПБ „Св. Климент Охридски“.
Во 2014 год. магистрира на „Институтот за национална историја“ – Скопје на тема „Историско-духовниот континуитет на Македонската православна црква во традициите на Охридската архиепископија“. Неговата магистерска е објавена во форма на книга.
Во 2018та година докторира на Филозофскиот факултет и Институтот за национална историја при УКИМ на тема „Улогата на Архиепископот Доситеј во возобнување на Охридската архиепископија во лицето на Македонската православна црква“.
Во 2019та година ја издава книгата „Историја на христијанската Црква“, а во 2024та година ја издава книгата „Историја на Македонскиот народ“ кои се користат како учебници во МПБ „Св. Климент Охридски“. Исто така има напишано голем број на статии, објавени во црковни и научни списанија.